نـــــــــدي

سمعت صوتك عشقت صورتك
القلب لعنيكي اهتدي
ولما دق والعشق شق
شرياني وكأنه الصدي
وشربت كاسك كاس الهنا
سافرت فوق ابعد مدي
من يومها مش عارف طريق
غير الرضي
وعشقت عشقك ياندي

,,,,,,,,

وازاي اكون انسان بدونك
من غير وجودك ازاي اكون
دانت الحياه وانت الامل
واغلي صوت يمحي السكون
يخلي قلبي عصفور سعيد
وعقلي عاشق للجنون
وايماني بيكي وعشقي ليكي
اسروني في بحور الظنون
من غير هواكي ازاي اكون

,,,,,,,,,,,,,,,

اجمل شفايف واجمل عيون
متجمعين ومسمعين فوق السما
حتي النجوم كل النجوم
اتكتبوا وسط المخلوقات المغرمه
وان قلت صوتك هقول واعيد
دي كل كلمه منك سمه
لو كنت حاكم في الزمان
لاديكي فيهم اوسمه
واكتب عشان لمسه ايديكي
بأديه اعظم ملحمه
مافيهاش هزيمه والكل فايز
لما الحنين فيها ارتمي
القلب حبك وعاش معاكي
وبيكي من الدنيا احتمي

،،،،،،،،،،

آدي عنيه بتعترف
انك من الخالق هبه
لكل مين عرفك وشافك
وكنت منه قريبه
وآدي قلوب العاشقين
عرفت مع عنيكي الصبا

,,,,,,,,,,,,,

كان نفسي ابقي في الشعر رامي
اقول عليكي اجمل كلام
واوصف بنفسي شوقي وغرامي
وكبريائي والالام
لكن غرامي سابق كلامي
بيكون معاكي هو السلام