العــــاشقـان

السبت، مارس ١٤، ٢٠٠٩

ولا عمري

ولا عمري نسيت اني هويتك

وداويت الجرح وحبيتك

وازاي انسي انا

اني عرفت الهنا

من يوم ما عرفت حبك

من يوم ماعشقت صوتك

ازاي هنسي الطبيب

والغالي والحبيب

والقلب دايما معاكي

وعمره مايقدر يغيب

رفقا

رفقا ياعمري فأني

لازلت اليك اغني

اطلب منك مصارحتي

اشدوا اليك كي اعلم

ايامي وعمري وسني

لازلت اشكو اليك

فمتي علي الشاكي تمني

وكيف لا تأخذك بي رحمه

وانت من يبك لكي فني

صوابي تائه وضيائي مظلم

وفي اسعد ايامي

ارحل وبصحبتي حزني

اري الارض باتت جرداء

لا تكسوها شربه ماء

قويني كي اصبح بطلا

والملم كل الاشلاء

فأزيح عن ارضك موت

قد طاح بكل الاجواء

وارتب اكوانا صارت

بلا ارض بلا سماء

ايتها الراحله انتظري

فمصيري بعدك انباء

ارويها اليك بالقهر

بذكاء او كل غباء

لا يهم كيف ارويها

او حتي تهم الاسماء

لكن فحواها هو القسوه

ودروب تقتل وعناء

الحان من فيض بكائي

واهاتي يرعاها شقاء

اتكلموا

اتكلموا اتكلموا

عشان ياناس تتألموا

ولا يوم تناموا وتحلموا

غير لما تبقوا تندموا

فبلاش ياحلوين تسألوا

واحسن لكم بقي تشتروا

حياتكم ولا تتكلموا

اتكلموا

ماتتكلموش ... ولا تحلموش

ولا تسألوش ولا تقولوش

غير اللي عايزه منكم

ولا تطلبوش

غير اللي هديهلكم

الرحيل

يوشك ان اهم للرحيل

وان اغادر القصر

فهل سأراك لاحقا

يانجمه الفجر

يامن سطعتي علي قلبي

فاضاء لي العمر

اخاف ان يطول الفراق

ويكون خاتمه الامر

لا تجاهري بالوداع فانني

سأعود اليك بالحب

فان طال بي السفر

ستشعرين بالقرب

فانا تاركا روحي

ونبض قلبي

وسأحمل وعدك دوما

في سماء دربي

طائر حزين انا

من فراقك ياجميله

انشد الذكري وقلبي

يذكر اركان المدينه

هنا لاقيتك وهنا

امسح الدمعه الحزينه

2003

كلام كتير قاله الزمان
ورجع يقول عليه كمان
غنينه مره الله اكبر
وقولنا لازم ديما نكبر
نوصل لنصر والفرحه تكبر
وغني جندي وقال سلاحي
لو غيري نايم معايا صاحي
وفجأه راح اطيب جراحي
عدينا شط ولتاني شط
فجرنا اكبر ساتر ترابي
عديت لقيت جندي الاعادي
ورحت قاتله ولاعن اصله
ورفعت فوق الارض الطاهره
رايه بلادي
ورغم شجاعتي ورغم عنادي
صابتني طلقه غدر
طلقه ماقتلتنيش
لكن خلتني اعيش
فخر لكل ولادي
وكفايه حضنك هادي
علي جسمي ياارض بلادي
2003

مقدرش

مقدرشي اقول غير كلمه آه

تداوي قلبي وتنول رضاه

اهي كلمه واحده بس الحقيقه

بتدوي كل تعب الحياه

يادمعه ساكنه جوه العنين

وياحزن باين فوق الجبين

مملكش غيركم وآدي الايدين

مافيهمش غير جرح السنين

وعجبي

2003

الدنيا والانسان

اشواقنا في يوم بتموت

وتبقي النهايه

ايامنا اكيد بتفوت

وتخلص الحكايه

اول لحظه بينا

تكون فيها البدايه

بأدينا نكتب كلمه

وتبدأ الروايه

لكن في لحظه تانيه

يدور بينا الزمان

يخلي طوق الفراق

يلف عالمكان

يمسح من فوقه بسمه

ويرسم الاحزان

وهي كده الدنيا

مش دايمه للانسان

وعجبي

2003

ماتدمعيش

ماتدمعيش بعنيكي

دي عنيكي غاليه عليه

وانسي الجراح والماضي

وانا هنسي كل ماضيه

نبدأ اجمل حكايه

هاتي ايدك .. ضمي ايديه

لو فات الف ليله وليله

وفارقتي كل لحظه جميله

هنعيش الحاضر والاتي

ولو كانت ايامه قليله

هتنسي معايا كل جراحك

وتعيشي في جنه افراحك

سيبي الآمك ويا زمانك

خدي حضني حصنك وامانك

سيبك من الماضي دا اوجاع

سيبك منه ده كله ضياع

حاولي تلاقي بسرعه كيانك

قبل ما ترمي الدنيا وداع

2003

ولا يهمك

ولا يهمك عمرنا

وايامنا اللي فاتت

ممكن نعتبرها جراح

او ذكريات ماتت

وتعيشي .. واعيش

والحب يفضل ساكت

خيانه وعذاب وآه

كانت حياتي معاكي

الفكر معاكي تاه

ولا عمري نولت رضاكي

وفعلا عجبي

طريق الفرحه

نفسي افرح لو ثواني

فين طريق الفرحه فين

نفسي اهرب من عذابي

بس اهرب اروح لمين

مين طبيبي وفين حبيبي

حضن انسي فيه سنين

عشت فيها بألف جرح

كل يوم ازيد انين

والسعاده حلم غايب

تاه في بحر من الحنين

ايوه عايش غصب عني

مش بأيدي بقيت حزين

عمري ما اختارت الدموع

او اكون من المجروحين

دالنصيب في الاصل غالب

لازم ارضي اقول امين

*********

الجمعة، مارس ١٣، ٢٠٠٩

خماسيات الطابور

))1((
مين يعرف الرحمه ومعناها
يامصر يا ام الضيا والنور
يا كاس وداير علي العباد
القلب منك قوي مكسور
ابنك وجالك يشتكي
من يوم ميلاده واقف طابور
واقف مكانه مش لاقي غيره
يرجع له مهما يلف يدور
عشان رغيف بياكله حاف
او حتي رخصه من المرور

2

متكدر في حياتي معاكي
وطريقي كله مطبات
اخلص من واحد للتاني
واتاريني بعيد اللي فات
المتر في ارضك ميت كيلو
وكأني بطئ الخطوات
طاير او راكب او ماشي
ديما بتطول المسافات
اليوم تحت سماكي سنين
والثانيه بتعدي ساعات

عشان ادوق العيش
لازم ابات في طابور
عشان اخلص جيش
لازم اتوه في طابور
وعشان بحبك لازم
امشي في طريق مهجور
ولو ارحل عن سماكي
دمي اكيد مهدور
ولأني مش حرامي
حقي انا مهبور

الاثنين، مارس ٠٩، ٢٠٠٩

بتحبها ؟

بتحبها ولا تايه

مش قادر تاخد قرار

خايف تقرب لتجرحك تاني

وخايف تكمل المشوار

الفرصه قدامك واياك تضيعها

خليك جرئ واختار

لو شايف راحتك معاها

تبقي ليه محتار

والحلم اللي عيشه ليالي

ماتخليهوش ينهار

مد الايدين لايديها

وكملوا المشوار

,,,,,,,,,

لو هيه جرحك اهرب

بلاش تكون محتار

مش طالبه انك تجرب

يوم فرح ويوم مرار

دا العمر لازم تعيشه

وماترميهوش في النار

هي سعيده

هي سعيده وهو سعيد
وانت ياقلبي رجعت وحيد
تشكي لروحك تقسي جروحك
وقت الشده عليك بيزيد
حتي حبيبتك سابت عيشتك
هربت منك
راحت تحلم حلم جديد
بس الحلم الجاي وياها
باين انه هيبقي سعيد
راحت تلبس توب الفرحه
فستان ابيض ومعاه طرحه
راحت نسيت قلب عشقها
دايما كانت هي الجارحه